Dưi hmâo Phun akha Khul mut phung dêh čar Việt Nam ruah pơphun jơnum pơphô hlâo khul 10 Pơlir hơbit Khul mut phung tơring čar kual Dơnung Tŏng Krah hăng kual Dap Kơdư, amăng 2 hrơi lơ 25 hăng lơ 26/7, ƀơi plơi prong Kon Tum pơphun Jơnum Khul mut phung tơring čar Kon Tum tal 11, rơwang bruă 2023-2028. Hăng jơlan gah “Pơplih phrâo- Tơpă – Gum hrŏm hơbit – Pơđĭ kyar”, Jơnum  Khul mut phung tơring čar Kon Tum tal 11, rơwang bruă 2023-2028 hmâo klah čun laih, pơsit bruă ngă tui Tơlơi pơtrun pơsit Jơnum tal 10, rơwang bruă 2018-2023; pơsit tơhnal pơkă, jơlan gah, bruă jao khul mơnuih mă bruă hăng bruă mă mơng Khul mut phung rơwang bruă 2023-2028.

Rơwang bruă rơgao khă bưp lu tơlơi tơnap, tơlơi lông biă ñu bơbeč mơng klin Covid-19, samơ̆ bruă mă mơng khul mut phung tơring čar Kon Tum ba glăi lu bôh tơhnal yôm phăn. Hơdôm gưl khul mut phung ngă tui klă bruă pô pơ ala, pơgang ba tơlơi dưi, bôh tŭ yua djơ̆ phiăn, lăp djơ̆ mơ̆ng mơnuih amăng khul hăng mơnuih mă bruă. Jơnum Khul mut phung tơring čar Kon Tum tal 11, rơwang bruă 2023-2028 hmâo ruah laih Grŭp mă bruă Khul mut phung tơring čar rơwang bruă phrâo hăng 32 čô mơnuih gum bruă; ruah 8 čô mơnuih pơ ala nao pơhmư̆ bruă Jơnum 13 Khul mut phung Việt Nam. Ơi Rơčom Long dưi ruah ngă glăi Khua Khul mut phung tơring čar Kon Tum./.