5 thun rơgao bruă pơplông amăng khul tơhan hơđăp ba gru tơring čar Kon Tum pơphun dik dak djop anih. Ƀing apăn bruă, khul tơhan hơđăp hơmâo pơyơr 34.200 met karê lŏn, pơgôp hơdôm hơpluh rơbâo hrơi mă bruă kiăng pơkra ming, pơkra phrâo 200 km jơlan amăng plơi pla, čroh ia hmua pơdai amăng plơi pla; ruh hĭ 500 boh sang tơ̆i rơ̆i, man pơdong phrâo 44 boh sang khăp pap tơhan hơđăp; rơbêh 800 drông war rông hlô, anih bơwih ƀong hrŏm, anom bơwih ƀong sĭ mơdrô mơng tơhan hơđăp, ngă lar hyu pran kơtang găn rơgao tơnap tap pơđĭ kyar bơwih ƀong huă.

Đĭ pơhiăp amăng mông jơnum, Thượng tướng Bế Xuân Trường, Khua khul tơhan hơđăp Việt Nam lăng yôm bruă pơphun jơnum mơng Khul tơhan hơđăp tơring čar Kon Tum; tŭ yap, pơpŭ bơni pran jua gir run mơng tơhan hơđăp amăng bruă mut hrŏm pơjing, wai pơgang Ping gah, gong gai hăng mơnuih ƀôn sang; gum pơgôp djru tơdruă pơđĭ kyar bơwih ƀong huă.