Hơdôm thun laih rơgao, sa, dua boh tơring čar amăng kual lŏn dăo ia krông Hồng hơmâo pơđĭ kyar tañ hloh, jing anih ba jơlan hlâo amăng kual hăng đơ đam dêh čar. Anih anom sĭ mơdrô pơđĭ kyar klă hăng rơnoh pơhrui glăi lu hloh mơng djop mơta bruă sĭ mơdrô tui ră anai hơmâo sĭ mơdrô điện tử, hơdôm sang sĭ gơnam pơprong, anih bơwih bơwang, pơgôp ngă pơplih ƀô̆ mơta gơnong bruă sĭ mơdrô amăng kual hăng đơ đam dêh čar.

Thun 2023, rơnoh pơhrui mơng blơi mut hăng sĭ mơdrô pơ tač rơngiao đơ đam kual rơbêh 260 klai đôlar Mi, lu hloh amăng 6 kual bơwih ƀong, dưm dưm 38% rơnoh pơhrui mơng blơi mut hăng sĭ mơdrô pơ tac rơngiao amăng đơ đam dêh čar. Kual lŏn dăo ia krông Hồng hơmâo anih phun lĕ plơi prong jưh jom Hà Nội; jing sa amăng 2 anih bơwih ƀong prong hloh amăng đơ đam dêh čar. Anai ăt lĕ kual ba jơlan hlâo amăng tuh tia pơkra ming-pơplih phrâo, kơsem min, mă yua boh thâo ia rơgơi, măi mok phrâo hăng pơplih pơčeh phrâo, anih anom, jơlan glông amăng kual hơmâo tuh pơ alin pơđĭ kyar tañ hloh.