VOV4.Jarai - Mơng lơ 15 truh lơ 17/2, ƀơi sang hră cao đẳng cộng đồng Dak Nông, Kông ti Tân Cảng Sài Gòn hơmâo pơphun jơnum pơtô pơblang bruă bruă ƀơi bul pơtâo thun 2022. Amăng mông pơtô pơblang, ƀing čơđai ƀơi Sang hră Cao đẳng cộng đồng Dak Nông hơmâo ƀing mơnuih apăn bruă mơng Hải đoàn mrô 29, TCT Tân Cảng Sài Gòn lăi pơthâo kơ bul pơtâo, tơlơi yôm mơng kual ia rơsĭ, bul pơtâo Việt Nam; tơlơi črâo trun mơng Ping gah, Kơnuk kơna lơ̆m pơsir hơdôm bruă bơdjơ̆ nao kual ia rơsĭ Ngŏ;

Tơlơi gơgrong mơng tơhan sơlup dêh čar Việt Nam amăng bruă wai pơgang kjăp kual ia rơsĭ, bul pơtô, laih dong pơtô pơblang, pơhưč lu mơnuih djru pơjing khul tơhan sơlup ngă hơkrŭ, tơhan chính quy, rơgơi bruă tui tơlơi phrâo. Ƀrô tal anai, Kông ti Tân Cảng Sài Gòn hơmâo jao 3 boh sang khăp pap hăng nua 240 klăk prăk hrŏm hăng 60 anung gơnam djru brơi lu sang anŏ hơđong tơlơi hơdip, tŏ tui gir run pơđĭ kyar bơwih ƀong huă kiăng pơklaih mơng ring rơpa.

Siu Đoan: Pơblang