Jơnum anai dưi pơphun tui hăng hơdră ƀuh ƀô̆ mơta ƀơi anăp hăng lăng nao rai amăng tivi hăng rơbêh 1.140 anih pơdah rup mơ̆ng ataih ƀơi djop sang bruă ping gah, hăng rơbêh 12.500 čô mơnuih ping gah nao jơnum. Ƀơi mông jơnum anai, ơi Trần Thanh Trường, Khua pơphun bruă, Tơlơi phiăn, Anom bruă Pơphun bruă mă ping gah dêh čar pô pơtô brơi abih boh yom phun mơ̆ng Tơlơi pơtrun mrô 294 hăng Hră pơčrâo ba mrô 06.

Sa amăng hơdôm mơta tơlơi kiăng lăi nao prong hloh, dăp glăi glông bruă amăng ping gah tui anom bruă gong gai kơnuk kơna dua gưl tơring čar hăng să, lui hĭ gưl tơring glông, djơ̆ găl hăng jơlan hơdră brơi dăp glăi anom bruă kơnuk kơna hơbôt hloh. Gơnong dlông ăt djru ba tơlơi phiăn lông ngă hlâo, kah hăng akŏ pơdong sang bruă ping gah să, phường yua ping gah tơring čar, ƀôn prong wai lăng; pơkă rơđah rơđong kơ anom bruă ping gah ƀơi djop anih wai lăng phara hơjăn; laih dơ̆ng ming pơkra glăi, lui hĭ hơdôm tơlơi pơkă tum teč đơi kiăng ngă hơbôt hloh, ber ƀiă amuñ či ngă tui.