Jơnum ruah khua tal anai, jing bruă jơnum kơđi čar prong hloh pioh kơ khul hlăk ai, hrơi mơak gum pơgôp prong djop gưl hlăk ai tơdăm dra Việt Nam khăp kơ lŏn ia, pơtong lăng yak rơbat pơđĭ kyar phrâo mơ̆ng Khul hăng bruă mă mơ̆ng hlăk ai. Boh pia tal jơnum anai : “Hlăk ai Việt Nam khăp kơ lŏn ia-či kiăng-gum pơgôp- kơsung nao hlâo, pơčeh phrâo-kơjăp pran jua yak nao amăng rơnuk phrâo”, Jơnum ruah khua khul hlăk ai Việt Nam tal 9 anai pơtum nao hơdôm khul bruă, hơdră pơsir pok pơhai ngă tui bruă ngă “Kâo khăp kơ lŏn ia kâo” hăng hơdră “Akŏ pơdong Khul mut phung hlăk ai Việt Nam kơjăp kơtang”.

Amăng hrơi tom brơi, lơ 17/12, Jơnum ruah khua pioh lăi pơthâo 135 čô, hlăk ai tơdăm, dra mut hrŏm Jơnum min apăn bruă phun khul hlăk ai Việt Nam tal 9; ruah 8 čô tơdăm, dra ngă ding kơna Jơnum min pĕl ĕp bruă mă amăng Khul tal 9. Ƀing khua ăt pơčrong sai hơdôm akŏ bruă, bruă rơkâo či ngă mơ̆ng ƀing hlăk ai amăng rơwang bruă phrâo pơ anăp.