VOV4.Jarai-Mơguah lơ 9/3, ƀơi Hà Nội, jơnum lok sa Jơnum ruah khua pơ ala đah kơmơi mut phung dêh čar tal 13, rơwang bruă thun 2022-2027. Nao jơnum hrom hơmâo sa rơbâo čô pơ ala kơ ƀing đah kơmơi ba gru hlâo, đah kơmơi mơ̆ng djop anom bruă, djop ling tơhan, djop djuai ania, tơlơi đăo hăng lu bruă mă phara amăng dêh čar. Jơnum anai, pơphun mơ̆ng lơ 9/3 truh lơ 11/3.

Hăng akŏ tơlơi jơnum "Djă pioh gru grua gum pơgôp, pơčeh phrâo, yua tơlơi hing ang mơ̆ng lŏn ia”, Jơnum anai pơtong rơđah bruă mă mơ̆ng đah kơmơi hăng bruă mă mơ̆ng Khul mut phung đah kơmơi Việt Nam thun blan rơgao, pơdah thâo bruă mă pơ anăp dơ̆ng, mơ̆ng thun 2022-2027 laih anun ruah khua mua apăn bruă khul đah kơmơi dêh čar tal 13. Ƀơi mông jơnum lok sa, ƀing khua mua apăn bruă ruah Khul git gai jơnum prong, grup čih pioh jơnum, pơsit hơdră mă bruă amăng mông jơnum laih anun tơlơi phiăn ruah khua.

Hlâo kơ anun, ƀing apăn bruă khul đah kơmơi nao čuă pơsat jep Khua mir sir Hồ Chí Minh, dưm guang bơnga ƀơi Gong kut pơsat ƀing tơhan pơsăn drơi jăn kơ lŏn ia či Bắc Sơn.

Nay Jek: Pơblang