Jơnum anai pơtum lăi nao tơlơi pơhing abih bang, boh tơhnal ngă tui Hră pơtrun mơ̆ng Jơnum ruah khua pơ ala djop djuai ania mơnuih mơnam Việt Nam tal IX, rơwang bruă thun 2019-2024, pơdah thâo anăp ngă bruă, tơhnal pơkă, bruă mă phun hăng hơdră či ngă bruă mơ̆ng Jơnum min djop djuai ania mơnuih mơnam Việt Nam amăng rơwang bruă phrâo. Ngă tui hơdră anăp nao "mơnuih ƀôn sang thâo, mơnuih ƀôn sang ngă hrŏm, mơnuih ƀôn sang pô ĕp, krăo lăng, mơnuih ƀôn sang mơ̆n pô yua", amăng rơwang bruă laih rơgao, Jơnum min djop djuai ania mơnuih mơnam Việt Nam hơmâo git gai akŏ pơjing 31 grup hyu ĕp lăng pơphun bruă ĕp lăng tui akŏ bruă; Jơnum min djop djuai ania mơnuih mơnam Việt Nam djop gưl hơmâo git gai ngă hrŏm krăo lăng 231 rơbâo wơ̆t sem lăng bruă mă.

Bruă lăi glăi ƀudah drơ̆ng glăi mơ̆ng mơnuih mơnam. Bruă mă krăo lăng, drơ̆ng glăi mơ̆ng jơnum min djop djuai ania mơnuih mơnam khom kơnang mơ̆ng ană plơi pla, mơnuih ƀôn sang, pơđĭ kơtang hloh anŏ ngă hrŏm pơgang ba tơlơi dưi amăng mơnuih ƀôn sang, tơlơi djru pơgôp hrŏm mơ̆ng mơnuih ƀôn sang. Kiăng hơmâo tơlơi pơkă hnơ̆ng tơlơi phiăn pioh mơnuih ƀôn sang ngă hrŏm tơlơi dưi krăo lăng, lăi glăi.