VOV4.Jarai - Mơguah lơ 14/1, ƀơi Hà Nội, Khul mơnuih tha rơma Việt Nam pơphun Jơnum tal 6, rơwang bruă 2021-2026. Hơdôm thun rơgao, bruă “Thun tha – Gru rơđah” hmâo ngă pơhư̆č hơdôm klăk čô mơnuih tha rơma gum hrom; hmâo laih 650 rơbâo čô mơnuih tha rơma gum hrom bruă mơnuih mơnam ƀơi anom bruă plơi pla kah hăng: Khua git gai grŭp Ping gah, Khua Grŭp mơnuih ƀôn sang, Grŭp pơsir kơđi tơlơi, bruă jơnum min hăng hơdôm khul grŭp mơnuih mơnam djru pơdŏng glông bruă kơđi čar ƀơi plơi pla kơjăp kơtang. Pơhiăp amăng mông Jơnum, Kơ-iăng Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn lăi rơđah, bruă thâo rơđah tơlơi pơmin mơng Khua mir sir Hồ Chí Minh pơtă pơtăn na nao djop mơnuih. Anun lĕ: rim mơnuih apăn bruă, mơnuih ping gah, mơnuih mă bruă čar khom pơpŭ hăng ƀing tha rơma. Rơkâo Khul mơnuih tha rơma pơplih phrâo dong hơdră mă bruă, tum pơƀut lu mơnuih hloh dong gum hrom bruă bơkơtưn “Thun tha – Gru rơđah”./.

Siu H’ Prăk: Pơblang