VOV4.Jarai - Lơ 22/4, ƀơi Ƀirô mă bruă, Kơ-iăng khua dêh čar ơi Phạm Bình Minh hơmâo mông tŭ jum Kơ-iăng Khua ding jum pơtom hiăp Vatican, ơi Miroslaw Wachowski ƀrô tal rai čuă Việt Nam kiăng kơ nao jơnum hrŏm hăng git gai jơnum tal 9 Grup hyu mă bruă kơplah wah Việt Nam - Vatican. Kơ-iăng Khua dêh čar ơi Phạm Bình Minh pơdah pran hok mơ-ak lơ̆m ƀuh tơlơi rô nao rai mơ-ak klă kơplah wah Việt Nam - Vatican. Kơ-iăng khua ding jum Miroslaw Wachoski pơpŭ bơni bruă čơkă mơng dêh čar Việt Nam hăng pơsit tong ama prong Francis hăng Sang jơnum prong lêng kơ čang rơmang tơlơi rô nao rai kơplah wah Việt Nam hăng Vatican jai hrơi pơđĭ kyar, ngă gêh gal kiăng mơnuih tui đăo khŏp ƀơi Việt Nam dưi pơgôp amăng pơđĭ kyar dêh čar. Kơ-iăng khua ding jum ăt tŭ ư hăng hơdôm hơdră pơtrut tơlơi rô nao rai dua bơnah pơ anăp anai, biă mă ñu pơphun pơbưp nao rai dua bơnah hăng tŏ tui na nao bruă rô nao rai tui ră anai.

Siu Đoan: Pơblang