Jơnum kiăng bơkơtuai hăng gum pơhiăp kơ Hră čih pơkra tơlơi pơkă mă bruă mơ̆ng Grŭp mă bruă Ping gah tơring čar rơwang bruă 2020-2025 hăng lu bôh yôm phăn pơkon. Hră čih pơkra hmâo 5 črăn, 25 mơta tơlơi, tơlơi pơkă rơđah bruă jao, tơlơi dưi, tơlơi rô nao rai bruă kơplah wah hơdôm bôh ƀirô amăng tơring čar hăng dêh čar, pơhlôm bruă mă git gai ba glăi bôh tơhnal, rơbô̆t.

Pơhiăp črâo ba, Khua git gai Ping gah tơring čar ơi Nguyễn Đình Trung rơkâo ƀing ding kơna Grŭp apăn bruă Ping gah ngă tui pran jua gơgrong, ba gru hlâo, gum hrŏm hơbit hăng ngă tui tơpă tơlơi pơkă pioh pok pơhai bruă jao hluh gah. Amăng mông jơnum, Grŭp apăn bruă Ping gah hmâo pel ĕp tơlơi pơsit pơjing Grŭp črâo ba pơđĭ kyar bôh thâo phrâo, hơdră măi mok, pơplih phrâo pơčeh phrâo hăng pơplih mrô mơ̆ng tơring čar; gum pơhiăp kơ bruă mă, bruă jao mơ̆ng Grŭp črâo ba; pel ĕp jơlan hơdră Jơnum tal sa Grŭp mă bruă Ping gah tơring čar hăng bruă mơnuih apăn bruă hrŏm hăng sa dua bôh yôm pơkon./.