Kơčăo bruă gah ring bruă mơnuih ƀôn sang Khul B, rơnoh prăk tuh pơ alin abih tih 247 klai, sang ia jrao prong djop 60 boh sưng đih pơjrao, đơr hăng sang ia jrao prong hnong mrô III, dưm lu mơta gơnam yua măi phrâo ia rơgơi, pơkă lăng hăng pơjrao tơlơi duăm ruă ngă djơ̆ anŏ kiăng mơ̆ng mơnuih ƀôn sang klă hloh, wơ̆t ling tơhan hăng tuai ronguai.

Ƀơi mông jơnum mă yua tơdrun kompan ƀattô pơgiăng tuai Côn Đảo, Khua mir sir ơi Võ Văn Thưởng nao jơnum hrŏm hăng mă yua ring bruă yôm anai, djru hrŏm pơđĭ kyar bruă tuai hyu ngui đĭ ƀattô, pơhlôm tơlơi rơnuk rơnua, pơgang dêh čar, biă mă ñu ngă tui tơhnal pơtrun man pơdong Côn Đảo jing anih gru grua tuai čuă ngui rơgoh hơdjă ayuh hyiăng glai klô hăng ia rơsĭ, hơduah ĕp gru grua phun, tơlơi pơpŭ bơngăt jua hmư̆ hing amăng kual hăng jar kmar. Tơdrun kompan anai dưi ba yua, amra hơmâo anih găn rơgao nao rai giăm hloh 15 km mơ̆ng tơdrun kompan Bến Đầm glăi pơ anih anom phun Côn Đảo.