VOV4.Jarai - Tlam mơmŏt laih rơgao (26/8), Khua mir sir ơi Nguyễn Xuân Phúc hơmâo nao ngui hrŏm hrơi mut sang hră ƀơi Sang hră gưl sa, dua hăng tlâo Hy Vọng - anai lĕ sang hră čem rông ba hăng pơtô hrăm brơi ƀing čơđai rơngiă amĭ ama yua klin Covid-19 ƀơi Đà Nẵng. Amăng hrơi ngui mơ-ak, Khua mir sir pơpŭ ƀing čơđai sang hră Hy Vọng mah phrâo mut sang hră samơ dưi găn rơgao tơlơi tơnap tap kiăng kơ mut hrŏm abih bang nai pơtô pơphun hrơi mut sang hră yôm phăn hăng ol kơdol pran jua anai.

Khua mir sir lăi pơtong hăng gru grua mơng lŏn ia Việt Nam pơdah pran kơtang, găn rơgao tơnap tao hrưn đĭ lĕ hơdôm tơlơi pơphun brơi sa rơnuk pơplih phrâo hiam klă brơi kơ ƀing čơđai, pơhlôm brơi čơđai hơđong pran juă hrăm hră kiăng dưi pơgôp pơjing plơi pla, lŏn ia hăng čang rơmang ƀing čơđai drit druai rơngiă amĭ ama yua klin Covid-19 tŏ tui gir run hrăm hră kiăng tơdơi anai jing mơnuih thâo mă bruă.

Siu Đoan: Pơblang