Tui tơlơi pơkă, tơring čar amra pơphun man pơdong Sang ia jrao prong jar kmar Nha Trang, pok man pơdong sang dŏ mơnuih mơnam HACOM OCean City 1, pok mă yua jơlan rơdêh đuăi hmar Kơdư-Dơnung tô nao jơlan mrô 1, tơdrun kompăn Cà Ná hăng dơnao ia Sông Than. Anai lĕ hơdôm ring bruă phun, arăng lăng yôm biă mă amăng pơđĭ kyar anih anom, pohưč tuh pơ alin, pok prong logistics hăng pơsir hĭ bruă kơƀah ia amăng bơyan không phang.

Jơnum min mơnuih ƀôn sang tơring čar jao gơnong bruă man pơdong git gai, gum hrŏm hăng hơdôm gơnong bruă, ƀon lan hăng anom bruă tuh pơ alin pơgiong hră pơ-ar, pơhlôm bruă anai dưi pơphun yôm phăn, tŭ yua. Hơdôm ring bruă anai ƀu djơ̆ kơnong yôm pioh čơkă hrơi jơnum prong đôč ôh mơ̆ ăt ngă atur kiăng Khánh Hòa pơđĭ kyar tañ hăng hơđong kjăp amăng rơwang phrâo.