Amăng mông nao čuă, ƀơi anăp Gong kut tơhan Núi Nhạn, ơi Phan Đình Trạc hrŏm hăng ƀing khua kiăo tui, khua mua tơring čar Phú Yên kŭp akŏ hơ-ŭ kơ tơhan djai pơsăn drơi kơ lŏn ia, djru pơklaih rơngai djuai ania, pơlir hơbit lŏn ia. Khua anom bruă pơgăn hưp ham ƀong kông ngăn ơi Phan Đình Trạc hrŏm hăng ƀing khua dưm bơnga, čuh ñang ƀơi Gong kut tơhan Núi Nhạn.

Amăng anih dưm boh pơtâo čih anăn, hơmâo 38 gong tơmeh boh pơtâo čih anăn 13.085 čô tơhan mơ̆ng tơring čar Phú Yên hăng 4 gong tơmeh boh pơtâo čih anăn 1.000 čô tơhan mơ̆ng hơdôm boh tơring pơkŏn dong. Sui mơ̆ng anai 50 thun, yŭ kơ tơlơi git gai mơ̆ng Ping gah, mơnuih ƀôn sang tơring čar Phú Yên ha pran jua tơgŭ blah ayăt Mi, pơklaih rơngai tơring čar Phú Yên hăng anăp nao pơklaih rơngai kual Dơnung, pơlir lŏn ia.