Amăng mông bưp, mơnuih ƀôn sang čang rơmang Ping gah, Khua pơ ala mơnuih ƀôn sang dêh čar hăng Kơnuk kơna tŏ tui hơmâo hơdră bruă lăp djơ̆ kiăng pơtrut pơđĭ kyar bơwih ƀong huă. Amăng anun, đing nao hơdôm hơdră djru ĕp brơi bruă mă, sang dŏ mơnuih mơnam, hơdôm tơlơi pơkôl pơkă gru grua, bơrơguăt drơi jăn, djru pơtô bruă mă, djru lơm kông ñơn rơngiă bruă, lui hĭ jang jai hră pơkôl mă bruă….Mơnuih ƀôn sang ăt rơkâo kiăng hơmâo hơdră pơsir lăp djơ̆ hăng ƀing mơnuih duh laih, ƀu gưt duh prăk amăng hră pơhlôm mơnuih rơngiă bruă, hră pơhlôm nua mơnuih mơnam brơi mơnuih mă bruă; đĭ prăk djru brơi mơnuih rơngiă bruă rĭm blan, djru brơi phara kơ mơnuih apăn bruă ƀơi hơdôm sang ia jrao kơnuk kơna pơdong.

Đĭ pơhiăp amăng mông bưp, Khua anom pơphô bruă Ping gah ơi Phan Đình Trạc brơi thâo, hơdôm tơlơi pơgôp hiăp mơng mơnuih ƀôn sang lăp djơ̆ biă mă. Ƀing khua pơ ala mơnuih ƀôn sang tơring čar Lâm Đồng amra tŭ mă, pơƀut glăi hăng lăi pơthâo brơi anom bruă gah gơnong glông.