VOV4.Jarai - Tlam lơ 26/1, yă Trương Thị Mai, Ding kơna Ding jum kơđi čar, Khua apăn bruă Ping gah, Khua anom pơphun bruă Ping gah hrŏm hăng grup khua mua nao čuă, hơ-ơč hmưi tê̆t kơ ƀing khua, ling tơhan hăng mơnuih ƀon sang ƀơi tơring glông guai dêh čar Nậm Pồ, tơring čar Điện Biên. Grup mă bruă hơmâo brơi 140 anung gơnam tê̆t kơ sang anŏ hơmâo tơhan djai pơsăn drơi kơ lŏn ia, čơđai sang anŏ tơnap tap; sang anŏ hơmâo anăn kơnuk kơna djru, sang anŏ rin, mơnuih arăng đăo gơnang hmư̆ tui amăng plơi pla; ƀing khua, mơnuih mă bruă kơnuk kơna, mơnuih mă bruă tơnap tap ƀơi tơring glông Nậm Pồ; brơi gơnam kơ ping gah, gong gai să Si Pa Phìn hăng ping gah tơring glông Nậm Pồ. Nao čuă, hơ-ơč hmưi tê̆t kơ ƀing khua, ling tơhan puih kơđông tơhan pơgang guai Si Pa Phìn hăng Grup bơwih ƀong Ling tơhan 379 (Quân khu II), Khua Anom pơphun bruă Ping gah yă Trương Thị Mai ha wơ̆t dong lăi nao tơlơi yôm mơng tơhan blah ngă ƀơi guai dêh čar amăng bruă pơhlôm hơđong kơjăp rơnuk rơnua, bong kơjăp lŏn ia; ngă klă bruă pơgang klin Covid-19, pơgăn bruă mut nao rai ča čot, tơlơi soh ma tuý hăng tơlơi soh pơkŏn kiăng mơnuih ƀon sang čơkă Tê̆t rơnuk rơnua, mơ-ak mơ-ai.

Siu H’Mai: Pơblang