VOV4.Jarai - Mơguah lơ (18/4), Grup mă bruă mơng Anom pơtô bruă Ping gah dêh čar mă bruă hăng Khul apăn bruă Ping gah tơring čar Bình Định kơ bruă bơwih ƀong huă- mơnuih mơnam hăng bruă pơjing Ping gah , kơ bruă kơđi čar, tơlơi pơmĭn, pran hơdip hiam  hăng bruă mă mơng Anom bruă thun 2021 hăng amăng rơwang tal I thun 2022. Khua git gai Ping gah, Khua anom pơtô bruă Ping gah dêh čar ơi Nguyễn Trọng Nghĩa lăng yôm hơdôm boh than mơ̆ Ping gah tơring čar Bình Định dưi ngă amăng thun blan laih rơgao, anai lĕ akŏ phun, mơng anun kiăng tŏ tui pơtrut pơsur, ba Bình Định pơđĭ kyar kơtang dong pơ anăp anai.

Ơi Nguyễn Trọng Nghĩa pơtă pơtăn, kiăng kơ pok pơhai ngă tŭ yua hơdôm tơlơi dưi mơng Bình Định, kiăng Piung gah tơring čar, Khul pơ ala mơnuih ƀon sang, Jơnum min mơnuih ƀon sang tơring čar hăng djop gơnong bruă, anom bruă amăng tơring čar gơgrong, ngă kiăo tui tơlơi pơtrun mơng Jơnum Ping gah XIII, hơdôm hră pơ-ar git gai mơng gơnong glông pơlir hăng tơlơi pơtrun mơng Jơnum Ping gah djop gưl kiăng kơ ngă tui.

Siu Đoan: Pơblang