VOV4.Jarai - Tlam lơ 19/1, ƀơi ƀôn prong Hồ Chí Minh, ơi Nguyễn Trọng Nghĩa, Khua anom pơtô bruă Ping gah hơmâo nao čuă sa, dua anom bruă, ƀing rơgơi kơhnâo, sang anŏ tơnap tap amăng ƀôn prong ƀrô bơyan prap čơkă thun phrâo Nhâm Dần 2022. Nao čuă anom bruă pơgang rơnuk rơnua hăng pơgăn ƀing pơsuh ngă soh amăng plang internet kông ang ƀôn prong Hồ Chí Minh, ơi Nguyễn Trọng Nghĩa čang rơmang Kông ang ƀôn prong tŏ ngă tui hơdôm boh than dưi ngă, pơgang rơnuk rơnua, hơđong amăng mơnuih mơnam rah, hrŏm hăng djop anom bruă pơgang klin rah, jing anom bruă gơgrong, akŏ phun amăng pơgang rơnuk rơnua amăng ƀôn prong.

Khua anom pơtô bruă Ping gah ƀơk gơnam brơi kơ yă Triệu Lệ Anh, Kuận 5

Laih dong, ơi Nguyễn Trọng Nghĩa brơi thâo, hơdră bruă mơng Ping gah, Kơnuk kơna amăng hơkrŭ glăi bơwih ƀong huă - mơnuih mơnam đing nao 5 mơta bruă prong. Amăng anun hơmâo bruă pơgang klin Covid-19; ngă klă amăng bruă djru brơi mơnuih mơnam; ngă gêh gal amăng bơwih ƀong sĭ mơdrô mơng djop anom bruă kiăng hơkrŭ glăi bơwih ƀong huă.

Siu Đoan: Pơblang