Ƀrô tal hơdor glăi 76 thun hrơi tơhan rơka, tơhan djai pơsă drơi, tlam lơ 24/7, ơi Nguyễn Trọng Nghĩa, Khua anom pơtô bruă Ping gah hrŏm hăng grup hyu mă bruă mơng anom pơtô bruă Ping gah dêh čar nao čuă hăng mă bruă ƀơi tơring čar Bến Tre hăng jao prăk man pơdong sang khăp pap brơi sang anŏ tui hơdră djru amăng tơring čar anai.

Đĭ pơhiăp amăng mông mă bruă, ơi Nguyễn Trọng Nghĩa pơdah pran jua hok mơ-ak ƀơi anăp kơ tơlơi pơplih amăng kual lŏn hơmâo gru grua ngă hơkrŭ, laih dong lăi pơtong: Ping gah-Kơnuk kơna lêng kơ đing nao, hơdor tơngia na nao hơdôm tơlơi gum pơgôp, tuh rơyuh pran jua mơng ƀing tơhan sông kơtang, tơhan djai pơsăn drơi hăng sang anŏ mơnuih djru hơkrŭ; bruă hơdor tơngia kiăng pơdah gru grua “mơñum ia hơdor kơ pô klơi” lêng kơ đing nao, ngă tui na nao. Ñu ăt rơkâo tơring čar tŏ tui gru grua hing ang mơng plơi pla sông kơtang, ngă klă dong amăng bruă hơdor tơngia, bơwih brơi tơlơi hơdip kơ ƀing amĭ Việt Nam sông kơtang, sang anŏ tui hơdră djru, sang anŏ hơmâo mơnuih djru hơkrŭ, sang anŏ ƀun rin, tơnap tap, kiăng hrưn đĭ hơđong tơlơi hơdip, pơgôp pơđĭ kyar plơi pla, lŏn ia.