Khua anom pơtô bruă Ping gah ơi Trương Trọng Nghĩa pơpŭ hơdôm anom bruă mă tơlơi pơhing ƀrô tal hơdor glăi 99 thun hrơi Hră pơhing ngă hơkrŭ Việt Nam
Thứ ba, 08:57, 18/06/2024
VOV/Siu Đoan Pơblang
VOV/Siu Đoan Pơblang
VOV4.Jarai-Ƀrô tal hơdor glăi 99 thun hrơi hră pơhing ngă hơkrŭ Việt Nam, mơguah tom brơi (17/6), Khua anom pơtô bruă Ping gah, ơi Nguyễn Trọng Nghĩa nao čuă hăng pơpŭ Anom bruă hră pơhing Thông tấn xã Việt Nam, hră pơhing Nhân dân hăng hră pơhing Cộng sản.
Đĭ pơhiăp ƀơi hơdôm anom bruă mă tơlơi pơhing, Khua anom pơtô bruă Ping gah ơi Nguyễn Trọng Nghĩa lăi rơđah, amăng hrơi blan rơgao, anom bruă mă tơlơi pơhing lêng kơ kiăo tui hơdôm bruă pơprong hăng yôm phiăn amăng lŏn ia, lêng kơ gir run, ƀu pơdơi kiăng ngă klă bruă jao mơng anom mă tơlơi pơhing dêh čar, anom bruă pôr pơhing phun.
Khua anom pơtô bruă Ping gah Nguyễn Trọng Nghĩa lăi rơđah, ƀơi anăp anŏ pơplih yua boh thâo ia rơgơi 4.0 tui ră anai, djop anom bruă mă tơlơi pơhing hăng ƀing čih tơlơi pơhing ƀu djơ̆ kơnong kiăng kjăp amăng kơđi čar, bruă mă đôč ôh mơ̆ ăt pơplih yua boh thâo phrâo amăng pôr pơhing lăp djơ̆ hloh amăng dêh čar Việt Nam kiăng abih bang mơnuih tar ƀar rŏng lŏn tơnah tañ tŭ mă djop tơlơi pơhing.
Viết bình luận