VOV4.Jarai - Lơ 26/5, Khua apăn bruă git gai Ping gah ơi Võ Văn Thưởng hơmâo jơnum mơng ataih hăng ơi Roberto Morales Ojeda - Khua apăn bruă git gai Ping gah Cộng sản Cuba. Ơi Võ Văn Thưởng hơmâo lăi pơthâo boh than dưi ngă amăng bruă pơgang klin kheng, pơđĭ kyar bơwih ƀong mơng Việt Nam, tơlơi gir run lăi pơthâo hăng ngă tui Tơlơi pơtrun Jơnum ping gah dêh čar tal 13. Ơi Roberto Morales Ojeda bơni hơ-ơč kơ hơdôm bruă dưi ngă mơng Việt Nam amăng hrơi blan rơgao, đăo gơnang yŭ tơlơi git gai mơng Ping gah Cộng sản Việt Nam, mơnuih ƀon sang Việt Nam amra ngă truh kih djŏp bruă mơ̆ Jơnum ping gah tal 13 dêh čar Việt  Nam ba tơbiă. Ơi Roberto Morales Ojeda ăt lăi pơthâo kơ hơdôm bruă ngă akŏ phun, pơđĭ kyar, hơdră ngă bruă amăng djŏp bruă tơdơi kơ ha thun pơphun  ngă tui Tơlơi pơtrun Jơnum ping gah dêh čar Cuba tal 8, jơlan hơdră pơtom hiăp mơng Cuba hăng hơdôm tơlơi kiăng ngă hlâo lĕ pơđĭ kyar bơwih ƀong huă hăng mơnuih mơnam amăng hrơi blan pơ anăp.

Siu H’Mai: Pơblang