Khua čih pioh lăng yôm tơlơi git gai mơng Khua git gai Ping gah dêh čar ơi Nguyễn Phú Trọng hăng tŭ yap tui tơlơi git gai mơng Khua git gai Ping gah dêh čar ơi Nguyễn Phú Trọng, dêh čar Việt Nam tŏ tui pơđĭ kyar kơtang hăng jing bơnah ngă gŏo jai yôm phăn mơng Sang gum hơbit djop dêh čar. Pơ ala brơi Sang gum hơbit djop dêh čar, Khua čih pioh ơi Antonio Guterres mơ-it nao tơlơi hning rơngŏt hrom Kơnuk kơna, mơnuih ƀôn sang Việt Nam hăng sang anŏ Khua git gai Ping gah dêh čar.

Khua khul pơ ala Sang gum hơbit djop dêh čar tal 78 Dennis Francis ăt hơmâo mông bưp khua anih jưh Đặng Hoàng Giang, Khua khul pơ ala dêh čar Việt nam ƀơi Sang gum hơbit djop dêh čar hăng mơ-it tơlơi hning rơngŏt mơng ñu pô hăng Khul pơ ala Sang gum hơbit djop dêh čar kơ Kơnuk kơna hăng mơnuih ƀôn sang Việt Nam. Khua khul pơ ala brơi thâo, anai lĕ tơlơi rơngiă prong biă mă mơng mơnuih ƀôn sang Việt Nam lơm rơngiă hĭ sa čô khua git gai abih pran jua hăng lŏn ia.