Tui hăng tơlơi lăi pơthâo glăi, amăng tal 30/4 thun anai mă yua lĕ 228 km jơlan đuăi hmar; tui anun, ƀơi đơ đam dêh čar amra hmâo 2.250 km jơlan đuăi hmar dưi pơkra giong; truh rơnuč thun amra hmâo 2.920 km. Tơdah giong hlao hơdôm rơwang bruă mơ̆ng hơdôm tơring čar thơ amra hmâo 3.210 km. Rơngiao kơ anun, dô̆ hmâo 2 rơwang bruă Đồng Đăng – Trà Lĩnh hăng Hữu Nghị - Chi Lăng, tơdah pơkra giong hlao amăng thun 2025 thơ, abih bang mrô jơlan pơkra hmâo mơ̆ng Kơdư truh Dơnung dêh čar lĕ 3.345 km.

Khua dêh čar rơkâo khul ling tơhan, kông ang pel ĕp bruă ƀơi hơdôm glông jơlan đuăi hmar, biă ñu lĕ jơlan đuăi hmar Lạng Sơn Cao Bằng. Khua dêh čar lăi rơđah tơdah pơtrut kơtang rơnoh bruă, pel ĕp rơnoh bruă hăng abih bang hơdôm pô ñu hmâo bơdjơ̆ nao bruă klă thơ ƀu djơ̆ kơnong kơ 3.000 km ôh mơ̆ amra giong hmâo 3.300 km, hloh kơ 10% bơhmu hăng tơhnal ba tơbiă./.