Ring bruă tuh pơ alin man pơkra tơdrông Rạch Miễu 2 tuai nao rai amăng ia krông Tiền kơplah wah tơring čar Tiền Giang hăng Bến Tre. Tơdrông glông 17,6 km, hăng abih tih prăk tuh pơ alin rơbêh 5.175 klai prăk hơmâo pơpha jing 6 anung prăk tuh pơ alin man pơkra. Lơ̆m nao pel ĕp tơl anih, Khua dêh čar rơkâo Tiền Giang hăng Bến Tre jak iâu pơgôp mơng djop anih anom kiăng tañ pơgiong bruă mă glăi lŏn, tañ hơđong tơlơi hơdip mơda kơ mơnuih ƀon sang, pơhlôm brơi man pơdong plơi pla phrâo brơi mơnuih ƀon sang kiăng hơđong tơlơi hơdip ƀudah kar kăi hăng anih dŏ hơdip hơđăp.

Hơdôm anom bruă man pơkra tum pơƀut mơnuih mă bruă, rơdêh, mă yua boh thâo phrâo, măi mok phrao, phrua hrơi mông mă bruă, mơnuih mă bruă, pơphun man pơkra brơi lăp djơ̆ kiăng tañ pơgiong, gir run pơgiong tơdrông Rạch Miễu 2 amăng blan 10/2025 ƀrô hrơi mơ-ak Jơnum Ping gah tơring čar Bến Tre, tañ ƀiă 6 blan pơhmu hăng hrơi mông pơkă hlâo anun (blan 4/2026), pơhlôm brơi kjăp, djơ̆ boh thâo, hiam, pơhlôm rơnuk rơnua lơ̆m man pơkra, agaih rơnăk, anăm pơhrua dong prăk tuh pơ alin, pơgăn hưp ƀong kông ngăn, ngă soh, yua gơnam khưi khai, laih dong đing nao tơlơi hơdip kơ mơnuih mă bruă.