Klah čun mông jơnum, Khua dêh čar ơi Phạm Minh Chính rơkâo đing nao pok tal hyu pơsuh mă, huĕt mă, ngă kơdun tơlơi sĭ mơdrô dŏp, leč pơdar amăng sĭ mơdrô, pơkra gơnam sĭ pơgiăng hyu ngă mă ča, gơnam ƀu rơđah phun akha, ngă soh tơlơi dưi bôh thâo ia rơgơi pơphun mơ̆ng lơ 15/5 truh 15/06.

Khua dêh čar ta rơkâo Ding jum wai lăng bruă kơnuk kơna, bruă jao mơ̆ng hơdôm ding jum gơnong bruă ƀu pioh “rơwang hong tơlơi phiăn” amăng mông dưm dăp ngă rơbô̆t glông jơlan mă bruă čar ba truh lui raih wai lăng bruă bơdjơ̆ nao bruă pơgang pơgăn ƀing ngă soh, bơdjơ̆ nao sĭ mơdrô dŏp, gơnam ngă mă ča, gơnam ngă hla tui, lĕč pơdar amăng sĭ mơdrô. Ding jum kông ang črâo ba hơdôm khul mă bruă, kông ang hơdôm anih anom pơsit bruă mă, pơtrut tañ rơnoh hơduăh ĕp pơsir hơdôm kơđi tơlơi, hmao tlôn pôr pơhing đĭ tui hơdôm mơta măi mok kiăng hmao pơhuĭ, pơgang pơgăn hlôm hlâo./.