Đĭ pơhiăp amăng mông jơnum, Kơ-iăng Khua dêh čar ơi Nguyễn Hòa Bình rơkâo BIDV kơsem min, sem lăng, đăo lăng hlâo ba tơbiă hơnong pơkă, bruă jao, hơdră bruă kiăng pơjing BIDV jing sa boh sang bruă prăk sĭ mơdrô Kơnuk kơna phun pok prong, mă bruă tŭ yua, bơkơtưn kơtang amăng jar kmar. BIDV kiăng tŏ ngă tui klă tơlơi gơgrong mơng Sang bruă prăk sĭ mơdrô Kơnuk kơna: Ba jơlan hlâo čung ba tơlơi bơwih ƀong. Gir run, gơgrong hăng ba jơlan hlâo amăng bruă ngă tui hơdôm hơdră bruă mơng Ping gah, Kơnuk kơna, sang bruă prăk kơnuk kơna Việt Nam.

Hluai tui bruă pơlir hơbit, tơlơi đăo gơnang hăng tơlơi rô nao rai jar kmar, mă yua lu ngăn rơnoh djru pơđĭ kyar bơwih ƀong huă; pok pơhai lu jơlan hơdră čan prăk brơi hơdôm akŏ bruă pơprong, ngă phun lar hyu, pơtrut kơtang amăng bơwih ƀong huă.