Ƀrô hơdor glăi tal 135 thun hrơi tơkeng kơ Khua mir sir Hồ Chí Minh khăp ƀu-eng ! Tlam lơ 19/5,ƀơi plơi prong Kon Tum, Khul đah kơmơi mut phung tơring čar Kon Tum jơnum pơpŭ bơni kơ ƀing ngă bruă hur har mơ̆ng thun 2020-2025 laih anun jơnum pơdă rup, hră pơar gru phun yom hăng anăn "Wa Hồ hăng Đah kơmơi Việt Nam”.

5 thun laih rơgao bruă mă bơkơtưn khăp kơ lŏn ia amăng rơbêh 100 khul grup đah kơmơi mut phung amăng tơring čar Kon Tum hơmâo ngă bruă pơblih đĭ hiam klă, tŭ yua, bang bơngač kơtang amăng kual plơi pla.

Djop gưl anom bruă khul đah kơmơi mut phung hơmâo man pơdong 35 boh “Sang pơđao khăp pap” hơmâo jao dơ̆ng hơdôm hơpluh anung prăk hrăm hră, gơnam tam djru ba; djru ba hră tla prăk 30 mơta tơlơi pơčeh phrâo, hơdră mă bruă djơ̆ lăp amăng lu bruă mă. Amăng 5 thun laub rơgao, hơmâo 1.700 boh sang anŏ ngă ding kơna đah kơmơi ƀun rin dưi pơklaih mơ̆ng ƀun rin, rơbêh 1.360 boh sang anŏ dưi ngă djơ̆ tơhnal pơkă sang anŏ 5 ƀu hơmâo, 3 rơgoh; 860 khul grup, mơnuih ngă khua, apăn bruă khul đah kơmơi tơring čar Kon Tum dưi hơmâo djop gưl anom bruă apah bơni.