VOV4.Jarai - Đĭ pơhiăp amăng mông jơnum mơng Khul git gai kơ bruă pơgang klin Covid-19, Khua dêh čar ơi Phạm Minh Chính rơkâo gơnong bruă bơdjơ̆ nao hăng djop ƀon lan kiăo tui lăng na nao klin kman amăng lŏn ia hăng amăng rŏng lŏn tơnah, hơdôm tơlơi pơhŭi hlâo mơng khul grup jar kmar, ƀing rơgơi kơhnâo; hmao tlôn ƀuh, pơhŭi hlâo, pơgang pơgăn hơdôm anŏ sat aka ƀu ƀuh hlâo anun, anun lĕ virus dưi kơdong glăi vaccine ƀudah amra ƀuh hơdôm djuai klin phrâo, djuai klin amra ngă hŭi rơhyưt dong.

Khua dêh čar git gai jơnum Khul git gai bruă pơgang klin

Pơtrut dong amăng bruă tlâ̆o vaccine, biă mă ñu lĕ hăng ƀing mơnuih amuñ bơbeč nao kơtang anun lĕ mơnuih thun tha, mơnuih ruă kă, ƀing čơđai, kông nhơn mă bruă ƀơi hơdôm sang măi pơkra pơjing gơnam amăng plơi prong…; đing nao wai pơgang hơdôm tơlơi truh sat, mơnuih ruă kraih hăng djai; kơtưn amăng bruă pơgang gah ia jrao; pơhlôm brơi djop ia jrao, pơtă pơtăn mơnuih ƀon sang rang kơđiăng. Khua dêh čar rơkâo kiăng pơgiong bruă tlâ̆o vaccine brơi ƀing čơđai mơng 12 truh pơ 18 thun amăng blan 4 anai; hăng ƀing čơđai pơ gŭ 12 thun ƀing ta kiăng gir run hloh kiăng tlâ̆o brơi amăng rơwang tal 2 thun 2022.

Siu Đoan: Pơblang