VOV4.Jarai-Mơguah lơ 4/3, ƀơi sang bruă kơnuk kơna, Khua dêh čar ơi Phạm Minh Chính git gai jơnum kơnuk kơna pơčrông sai akŏ bruă čih pơkra tơlơi phiăn. Ƀing ding kơna amăng kơnuk kơna hơmâo pơčrông sai, pơgôp hiăp kơ 5 tơlơi phiăn hăng 1 Hră pơtrun. Tơdơi kơ hmư̆ tơlơi pơgôp hiăp, pơčrông sai, Khua dêh čar ơi Phạm Minh Chính lăng yôm tơlơi pơgôp hiăp mơ̆ng lăm pran jua, glăm ba, djop ding jum anom bruă gir run, pơtum nao kơ bruă mă git gai, pơtum mơnuih mă bruă, hrơi mông, pran jua mă bruă, prăp lui, pơdah thâo hơdôm kơčăo bruă tơlơi phiăn kiăng djơ̆ hrơi blan, tŭ yua.

Mông jơnum abih bang

Khua dêh čar ha wơ̆t dơ̆ng lăi, pran jua tuh pơ alin pơmin nao kơ bruă čih pơkra tơlơi phiăn pơdong kơnuk kơna lŏn ia lăp hăng sa amăng klâo bruă mă pơblih kơtang kơ dêh čar. Kiăng pơtum kơ bruă čih pơkra, pơhrua nao dơ̆ng, ngă pơgiong glông bruă tơlơi phiăn dêh čar, boh nik ñu hơdôm mơta tơlơi phrâo hơmâo kiăng pơkă djơ̆ pơsir hĭ anŏ ngă gun jơlan hơdră, tơlơi phiăn, kiăng ngă gêh găl kơ mơnuih ƀôn sang, anom bruă sĭ mơdrô djru rŭ glăi hăng pơđĭ kyar bơwih ƀong huă kơ mơnuih mơnam.

Nay Jek: Pơblang