Mơng akŏ thun truh ră anai, Kơnuk kơna hơmâo pơphun 5 tal jơnum kơ bruă čih pơkra tơlơi phiăn; sem lăng, pơgôp hiăp, pơsit hơdôm bruă prong bơdjơ̆ nao hơdră bruă; tơlơi anai pơdah pran gir run prong, ngă bruă khut khăt, tŭ yua mơng Kơnuk kơna amăng pok pơhai khut khăt hơdôm bruă bơdjơ̆ nao hơdră bruă. Jơnum blan7, Kơnuk kơna sem lăng, pơgôp hiăp amăng 3 tơlơi rơkâo čih pơkra tơlơi phiăn, 2 črăn tơlơi phiăn, 2 hră lăi pơthâo hăng 1 črăn tơlơi pơsit mơng Ƀirô Khua pơ ala mơnuih ƀon sang dêh čar.

Amăng anun, hơmâo Tơlơi rơkâo čih pơkra tơlơi phiăn pơgang, pơgăn sĭ dŏp mơnuih (čih pơkra glăi); tơlơi rơkâo čih pơkra tơlơi phiăn blơi pơhrui yôm phăn (čih pơkra glăi); tơlơi rơkâo čih pơkra tơlơi phiăn mă jia (čih pơkra glăi); črăn tơlơi phiăn čih pơkra, pơhrua sa, dua črăn amăng tơlơi phiăn bơkơtưn nua kông ngăn; črăn tơlơi phiăn hrăm pơhlôm nua mơnuih mơnam (čih pơkra glăi); hră lăi pơthâo, rơkâo mă jia aset ƀiă rŏng lŏn tơnah; hră lăi pơthâo, rơkâo hơdră djru anom bruă tuh pơ alin rơngiao kơ jia.