Ƀơi mông jơnum, khua mua kơnuk kơna hăng khua djop ding jum anom bruă hơmâo hmư̆ tơlơi lăi pơthâo hơdră či pơkra jơlan rơdêh treng đuăi hmar, brơi kơsem min, pơčrong sai lăng, lăi pơthâo abih bang, bruă ngă, jơlan nao, boh thâo ia rơgơi, prăk kăk hăng hơdôm tơlơi pơdjơ̆ nao kơ bruă pơkra jơlan rơdêh treng đuăi hmar mơ̆ng kual Kơdư nao pơ Dơnung dêh čar.

Klah čun amăng mông jơnum, Khua dêh čar ơi Phạm Minh Chính pơtrun hiăp hăng akŏ bruă khom ngă, ba yua boh thâo ia rơgơi, mơnuih djru bruă, pơđĭ kyar jơlan rơdêh treng, ba yua tơdơi anai; pơphun pơhrăm mơnuih mă bruă, thâo hruaih amăng bruă git gai wai lăng kiăng djơ̆ găl hăng tơlơi pơhing hơmâo sit nik. Hrŏm hăng bruă čuk pơkra jơlan rơdêh treng đuăi hmar mơ̆ng kual Kơdư nao pơ Dơnung, ba tơbiă brơi djop gưl anom bruă hơmâo tơlơi dưi sem lăng amăng thun 2024, čih dăp hơdră pơkra glăi jơlan rơdêh treng hlăk hơmâo ră anai, blung hlâo đing nao pơkra jơlan rơdêh treng mơ̆ng Lao Cai nao pơ Hà Nội laih anun truh pơ Hải Phòng.