VOV4.Jarai - Lơ 21/8, Khua dêh čar ơi Phạm Minh Chính git gai jơnum lăng amăng tivi kơ “Pơđĭ tui bruă lăng ba tơlơi suaih pral mơnuih ƀon sang; ngă bruă hơdeč hmar, rŭ glăi tañ hăng pơđĭ kyar hơđong”. Mông jơnum hơmâo bưp ƀơi anăp ƀơi sang bruă Ding jum ia jrao laih anun pơtruh nao rai hăng Jơnum min mơnuih ƀon sang 63 boh tơring čar ƀon prong. Pơhiăp ƀơi mông jơnum, Khua dêh čar kiăng ƀing khua, mơnuih mă bruă ia jrao pơtrut tui gru grua hmư̆ hing, ngă tŭ yua djŏp jơlan hơdră mơng Ping gah, tơlơi phiăn Kơnuk kơna, biă ñu hơdôm Tơlơi pơtrun mrô 20, 21 kơ bruă pơgang, lăng ba tơlơi suaih pral mơnuih ƀon sang hăng bruă wai lăng mrô ană mơnuih amăng rơnuk anai.

Khua dêh čar ta lăi, bruă lăng ba tơlơi suaih pral mơnuih ƀon sang phun ñu lĕ anom bruă ia jrao samơ̆ anai ăt jing bruă kiăng ngă hrŏm mơng abih bang mơn. Hơdôm ding jum, anom bruă kiăng ngă hrŏm kơjăp hăng Ding jum ia jrao, ƀơi anăp lĕ pơsir hĭ bruă kiăng ječ ră anai anun lĕ blơi gơnam yua, juă nua gơgrong tuh pơ plai, tla prăk khăm pơjrao tơlơi ruă tui hră pơhlôm nua ia jrao, tơlơi djru hăng ƀing khua, mơnuih mă bruă amăng anom bruă ia jrao.

Siu H’Mai: Pơblang