Pơhiăp ƀơi mông jơnum, Khua dêh čar ơi Phạm Minh Chính lăi, amăng hrơi mông tơnap tap, djŏp gưl, anom bruă, tơring čar gir abih pran jua, pok pơhai bruă abih bang, dưm kơnar, gơñăm nao bruă yôm phun, kiăng ngă hlâo hơdôm bruă mă, hơdră ngă bruă hơmâo ba tơbiă.

Amăng anun, pơƀut ngă bruă yôm phun ră anai lĕ pơsir hĭ tơlơi tơnap kơ anom bơwih ƀong, djru brơi mơnuih ƀôn sang hơmâo bruă mă, bơwih ƀong, pơtrut pơđĭ kyar, pơhlôm hơđong kơjăp tơlơi bơwih ƀong, wai lăng kơjăp rơnuk rơnua lŏn ia. Khua dêh čar ăt kiăng ƀing khua nao jơnum pơƀut bơkơtuai tơlơi bơwih ƀong huă - mơnuih mơnam blan 6. 3 blan tal 2 hăng 6 blan akŏ thun. Amăng anun lăi rơđah hơdôm tơlơi dưi ngă, hơdôm tơlơi kiăng kơđiăng, pơsir hĭ; pơblah rơđah tơlơi hơmâo amăng mông anai; rơkâo hơdră ngă bruă djơ̆ akŏ, djơ̆ tơhnal, pơplih phrâo prong lơ̆m ngă bruă amăng blan 7 hăng 6 blan rơnuč thun 2023.