VOV4.Jarai-Tom brơi, lơ 3/7, ƀơi anom bruă kơnuk kơna Khul khua mua apah bơni pơplông gưl dêh čar rơwang bruă thun 2021-2026 jơnum lok 3 yua kơ Khua dêh čar ơi Phạm Minh Chính, Khua khul git gai. Pơhiăp ƀơi mông jơnum, Khua dêh čar rơkâo pơgôp hiăp djơ̆ lăp tong ten, lăng djơ̆ bruă, boh tơhnal dưi ngă mơ̆ng lu mơnuih, djop drơi pô ngă bruă hur har, mơ̆ng anun, Khul ngă tui čih anăn apah bơni djơ̆ hăng bruă mă, boh tơhnal dưi hơmâo, tơpă ară, bơkơnar, djơ̆ tơlơi phiăn, lăp hăng tơlơi pơplông bơkơtưn nao rai tui tơlơi pơtrun mơ̆ng Ping gah hăng tơlơi phiăn dêh čar pơkă.

Khua dêh čar pơtrun hiăp bruă mă sem lăng apah bơni, bơkơtưn mă bruă khom djơ̆ mơnuih, djơ̆ hăng bruă ngă mơ̆ng khul grup, lu mơnuih ngă amăng bruă man pơdong hăng pơgang lŏn ia, laih dơ̆ng djru hrom ngă bruă pơhlôm hlâo hăng pơgăn tơlơi soh glăi ruah apah bơni, pơplông.

Nay Jek: Pơblang