VOV4.Jarai - Mơguah lơ 9/8, Khua dêh čar ơi Phạm Minh Chính, Khua Jơnum min dêh čar kơ pơplih mă yua mrô git gai Jơnum mơng ataih klah čun 6 blan ngă Kơčăo bruă pơđĭ kyar boh thâo djă pioh mrô ană plơi, anăn păn hăng pơsit mrô điện tử bơwih brơi bruă pơplih mă yua mrô dêh čar ta thun 2022-2025, anăp nao pơ thun 2030 (Kơčăo bruă mrô 6). Jơnum anai hơmâo pơtruh mơng Sang bruă Kơnuk kơna truh kơ hơdôm ding jum, anom bruă, tơring čar, ƀon prong; hơdôm boh să, tơring glông, plơi prong; phường amăng tar ƀar anih; hăng rơbêh 10.000 anih jơnum mơng să truh pơ gơnong dlông laih anun rơbêh 130.700 čô khua pơhmư̆ hrŏm. pơhiăp ƀơi mông jơnum, Khua dêh čar ơi Phạm Minh Chính lăi, anai jing sa kơčăo bruă mơ̆ Kơnuk kơna ta git gai khut khăt, biă ñu pơƀut ngă kơčăo bruă mrô 6 hăng 7 tơlơi git gai, 5 mơta bruă hăng hrơi blan ngă bruă rơđah rơđông.

Anih jơnum ƀơi Hà Nội hăng lăng mơng ataih amăng tivi

Khua dêh čar kiăng ƀing khua gum bơkơtuai, pơblang brơi rơđah, lăi pơthâo glăi hơdôm tơlơi thâo thăi, tơlơi kiăng djă pioh, hơdră ngă bruă djơ̆ hơdră mơng anom bruă, plơi pla gơñu; ba pơƀuh hơdră ngă bruă yôm phun amăng hrơi blan pơ anăp pioh ngă kơčăo bruă anai tŭ yua hloh.

Siu H’Mai: Pơblang