VOV4.Jarai - Lơ 27/1, Khua dêh čar ơi Phạm Minh Chính, Khua Anom bruă git gai pơhlôm pơgang klin Covid-19 git gai mông jơnum lăng amăng tivi hăng 63 boh tơring čar, ƀon prong kơ bruă pơgang klin Covid-19 pơčrông sai bruă mă, hơdră pơgang klin Covid-19, biă ñu amăng hrơi Tê̆t; prăp lui pok glăi sang hră hăng pok glăi bruă tuai hyu ngui, hơkrŭ glăi bơwih ƀong huă - mơnuih mơnam. Pơhiăp ƀơi mông jơnum, Khua dêh čar ơi Phạm Minh Chính brơi thâo, mông jơnum kiăng lăng glăi, thâo rơđah tơlơi klin kheng, biă ñu lĕ sem lăng hơdôm tơlơi hơmâo phrâo, lăp đing nao đah mơng hơmâo hơdră pơsir lăp djơ̆, huăi sư̆ rơbư̆. Mơng anun gum djru kiăng mơnuih ƀon sang ƀong tê̆t rơnuk rơnua, mơ-ak mơ-ai, rơnuk rơnua. Biă ñu bruă hur har pran jua kiăo tui bruă tlâ̆o vaccine ječ ameč bơyan bơnga 2022. Gir truh abih blan 1/2022 tlâ̆o djŏp 2 arăt vaccine kơ ƀing čơđai mơng 12 truh 17 thun; truh abih 3 blan tal 1 thun 2022 tlâ̆o giong arăt tal 3 kơ ƀing mơng 18 thun truh kơ prong hloh.

Siu H’Mai: Pơblang