Pơhiăp đĭ ƀơi mông jơnum, Khua dêh čar ơi Phạm Minh Chính lăi pơtong, tơdơi kơ rơbêh 10 thun abih glông bruă kơđi čar gum tơngan hrŏm, bruă gơgrong anăn brơi čan prăk djru mơnuih mơnam tơnap tap jing sa anih bơngač laih anun tơmeh phun kơ bruă djru mơnuih ƀun rin, pơhlôm ba tơlơi hơdip mơda mơnuih mơnam, ngă djơ̆ anŏ kiăng mơ̆ng mơnuih ƀôn sang, biă mă ñu mơnuih ƀun rin hăng khul mơnuih mơnam dŏ tơdu amăng khul mơnuih mơnam.

Thun blan pơ anăp adih, Khua dêh čar pơtrun hiăp Sang bruă prăk djru mơnuih mơnam tơnap tap kiăng pơtong rơđah bruă gơgrong anăn brơi čan prăk djru ba mơnuih mơnam tơnap tap jing hơdră djru yôm ngă tui jơlan hơdră, tơlơi pơtrun mơ̆ng kơnuk kơna, sa bruă mă glăm ba mơ̆ng ping gah amăng bruă pơtrut bơwih ƀong huă nao hrŏm bruă ngă bơkơnar mơnuih mơnam, ngă tui lu hơdră pơtrun mơ̆ng dêh čar ăt kah hăng pơđĭ kyar bơwih ƀong huă mơnuih mơnam amăng dêh čar.