VOV4.Jarai-Pơhiăp klah čun bruă mă Jơnum lăng nao rao amăng tivi đơ đam dêh čar pơƀut bruă mă 20 thun pơđĭ kyar bơwih ƀong hrom hăng pơƀut  ngă tui Tơlơi phiăn bruă ngă ƀong hrom thun 2012, Khua dêh čar ơi Phạm Minh Chính, pơtrun hiăp, brơi pơtum pok pơhai ngă tui 8 khul bruă, hơdră pơsir. Tui hăng anun ăt kơsem min čih pơkra tơlơi phiăn jơlan hơdră djơ̆ hăng anŏ pơblih phrâo laih anun tơlơi hơmâo sit nik ƀơi Việt Nam.

Khom pơsir dơ̆ng mơ̆n anih ngă gun amăng tơlơi phiăn pơtrun, jơlan hơdră man pơphô, tui tơlơi pơpŭ lăp anih anom sĭ mơdrô. Kơ tơlơi čih pơkra glăi Tơlơi phiăn Bruă ngă ƀong hrom ta juăt lăi Luật hợp tác xã, Khua dêh čar ơi Phạm Minh Chính pơčrâo rơđah, lui hĭ tơlơi ngă gun, anŏ kơđông; ngă gêh găl jơlan hơdră, tơlơi phiăn pơtrun mă bruă amuñ hloh; pơtrut pơđĭ kyar kơtang kiăng kual anai lăp hăng jơlan hơdră anih mă bruă, tơlơi gơgrong atur akŏ pơdong bơwih ƀong huă tui anih anom sĭ mơdrô anăp nao kơ mơnuih mơnam bơkơnar ngă khua pô.

Kơ tơlơi pơmin anŏ kiăng Khua dêh čar pơtrun hiăp, bruă čih pơkra glăi tơlơi phiăn bruă ngă ƀong hrom kiăng ba yua hră pơtrun mơ̆ng Ping gah brơi pơblih phrâo, pơđĭ kyar bơwih ƀong hrom lu ding kơna, lu anom bruă ngă ƀong hrom amăng dêh čar ta pơ anăp anai.

Nay Jek Pơblang