Tlam lơ 12/7, Khua dêh čar ơi Phạm Minh Chính, Khua jơnum min dêh čar kơ pơplih yua boh thâo phrâo git gai Jơnum tal 6 Jơnum min hăng Jơnum klah čun 6 blan akŏ thun hăng pok pơhai bruă jao 6 blan rơnuč thun 2023 amăng pơplih yua boh thâo dêh čar hăng akŏ bruă pơđĭ kyar mă yua plang djă pioh hră pơ-ar mơnuih ƀon sang, anăn apăn hăng pơsit tong điện tử djru pơplih yua boh thâo phrâo rơwang thun 2022-2025, anăp nao truh thun 2030 (Akŏ bruă 06) mơng Kơnuk kơna.

Pơ anăp anai Khua dêh čar rơkâo, pơplih yua boh thâo phrâo gưl dêh čar kiăng pok pơhai abih bang, djop mơta samơ̆ kiăng đing nao klă hloh; đing nao pơđĭ kyar plang mă yua, sit biă ñu anih djă pioh hră pơ-ar dêh čar; đing nao pơhlôm hơđông anih djă pioh. Khua dêh čar pơsit tong, pơjing, pơđĭ kyar plang djă pioh hră pơ-ar kiăng pơplông glông djă pioh hơđong mơng pơplih mă yua boh thâo phrâo, sa mơta bruă ƀu kơƀah ôh amăng tơlơi hơdip, bơwih ƀong huă, mơnuih mơnam. Khua dêh čar lăi rơđah, kiăng pơhlôm tơlơi dưi kơplah wah Kơnuk kơna, mơnuih ƀon sang; samơ̆ kiăng pok pơhai klă hiam, djơ̆ hăng tơlơi kiăng mơng mơnuih ƀon sang, kah mơnuih ƀon sang hăng anom bơwih ƀong sĭ mơdrô dong yua, mut hrŏm.