VOV4.Jarai - Mơguah lơ 8/8, ƀơi Ƀirô mă bruă Kơnuk kơna, Khua dêh čar ta, Khua Jơnum min pơplih mrô dêh čar ta ơi Phạm Minh Chính git gai mông Jơnum tal 3 mơng Jơnum min kiăng pơsit bôh tơhnal pơplih mrô 06 blan akô̆ thun 2022 hăng pơsit hơdôm jơlan pơsir, bruă pơplih mrô pơ̆ anăp anai. Lom klin Covid-19 ngă tơnap, pơplih mrô jing kiăng hloh mơng hơdôm gưl, hơdôm gơnong bruă, hơdôm bôh tơring čar, ƀôn prong hăng mơnuih ƀôn sang, anom bơwih ƀong kiăng pơgang rah, pơgăn rah klin ba glăi bôh tơhnal rah hơkrŭ glăi, pơđĭ kyar rah bruă bơwih ƀong – mơnuih mơnam.

Lơm klin ruă dưi wai lăng, pơplih mrô jing bruă phun dong, djru yôm phăn hơkrŭ glăi tañ, pơđĭ kyar kơjăp phik bơwih ƀong mơnuih mơnam, pơdŏng bruă bơwih ƀong rơngai, gơgrong pô nao hrom hăng gơgrong hlâo, mut hrom klă jar kơmar dơlăm, sit nik, ba glăi bôh tŭ yua. Amăng mông jơnum anai, Khua dêh čar ta rơkâo ƀing khua pơ ala tơpă ară pơsit rơđah, dưm kơnar mrô rơđah kơ bruă ngă tui hơdôm hrơi rơgao, pơsit wot hơdôm bruă mă dưi pơpha tui Kơčăo bruă thun 2022 mơng Jơnum min pơplih mrô dêh čar hăng hơdôm bruă dưi jao ƀơi mông jơnum tal hlâo mơng Jơnum min./.

Siu H’ Prăk: Pơblang