Amăng anun, Khua dêh čar rơkâo anom bruă apui lơtrik Việt Nam: Đing nao mă yua tŭ yua djop rơnoh, gir run prong hloh amăng bruă git gai ngă tui ha amăng plĕ, tŭ yua hơdôm hơdră pơhlôm hơđong amăng pơđuăi apui lơtrik; pơphun ngă tui khut khăt tui tơlơi pơkă hăng tui tơlơi git gai mơng Khua dêh čar, tơlơi črâo trun mơng Ding jum sĭ mơdrô hăng tuh tia pơkra pơjing kơ bruă anai.

Gơgrong pơjing hơdôm hơdră ječ kiăng bong glăi hơdôm tơlơi tơnap tap kơ pơđuăi apui lơtrik hăng tui tơlơi črâo trun mơng Ding jum sĭ mơdrô hăng tuh tia pơkra pơjing; laih dong, git gai, gum hrŏm hăng hơdôm ding jum, gơnong bruă, gong gai ƀon lan pơphun ngă tui tơlơi pơkă. Đing nao ngă tui tŭ yua hơdôm hơdră kơtưn pơkrem apui lơtrik, sit biă ñu amăng blan 6 thun 2023.