VOV4.Jarai - Ƀơi anăp kơ tơlơi tơnap tap mơng klin kheng, ƀu hmao thâo, tơnap pơhŭi hlâo; kiăng kơ pơgang kjăp hăng djă pioh hơdôm tơlơi dưi amăng pơgang klin hlâo anun, tŏ tui pok bah amăng, pơtrut hơkrŭ glăi hăng pơđĭ kyar bơwih ƀong huă-mơnuih mơnam, Khua dêh čar ơi Phạm Minh Chính hơmâo kông điêng rơkâo: Djop anom bruă kơđi čar, djop ding jum, gơnong bruă, djop gưl, abih bang mơnuih ƀon sang hăng anom bơwih ƀong sĭ mơdrô gơgrong na nao, gir kơtir, khut khăt, anăm pơtah tao, ngă amưng, rang kơđiăng hăng anăm bral rơngal ôh, gơgrong amăng pơgang klin Covid-19; tŏ tui pơtrut ngă tui kjăp, khut khăt, tŭ yua, amăng bruă tlâ̆o vaccine, tŭ mă tañ hơdôm hơdră pơjrao, ia jrao pioh pơjrao, laih dong kơđiăng ngă tui djơ̆, tŭ yua hơdôm tơlơi pơkă amăng pơgong klin amăng mơnuih mơnam… Tui anun, djop ƀon lan kiăng pơtrut kơtang hăng ječ ameč amăng bruă tlâ̆o vaccine ară tal 3 brơi mơnuih mơng 18 thun pơ glông, pơgiong amăng rơwang tal I thun 2022; tlâ̆o ară tal 2 brơi ƀing čơđai mơng 12 truh pơ 18 thun,  pơgiong amăng blan 2 thun 2022; prap lui djop mơta gơnam tam măi mok, rơdêh, anih anom, mơnuih mă bruă kiăng kơ tlâ̆o brơi vaccine kơ čơđai mơng 5 truh pơ pơgŭ 12 thun lơ̆m hơmâo ia jrao.

Siu Đoan: Pơblang