VOV4.Jarai-Lơ 15/7, Khua dêh čar ơi Phạm Minh Chính hơmâo jao hră pơsit mơ̆ng Khua git gai ping gah Ding jum ia jrao hăng jao hră pơđĭ bruă ngă khua ding jum jăng jai bruă ia jrao kơ yă Đào Hồng Lan ding kơna apăn bruă ping gah dêh čar, Khua grup pơ ala mơnuih ƀôn sang dêh čar tơring čar Bắc Ninh.

Khua dêh čar jao hră pơsit ngă khua ding jum Bruă ia jrao kơ yă Đào Hồng Lan

Pơ ala kơ khua mua ping gah, kơnuk kơna, Khua dêh čar bơni hơ-ơč kơ yă Đào Hồng Lan dưi hơmâo Ding jum kơđi čar, Khul khua mua apăn bruă git gai ping gah gơnong dlông, Kơnuk kơna đăo kơnang hăng jao kơ yă Đào Hồng Lan amra pơđĭ tui tơlơi thâo amăng bruă mă, hrom hăng khua mua ping gah Ding jum ia jrao, mơnuih mă bruă gah anom bruă ia jrao tŏ tui ngă bruă hiam klă mơ̆ng anom bruă ia jrao, ƀu pơdơi ôh gir run hloh, kơtưn găn rơgao hĭ tơlơi tơnap tap, lông lăng, ngă giong bruă jao mơ̆ng Ping gah, Kơnuk kơna hăng Mơnuih ƀôn sang ta.

Nay Jek: Pơblang