Tui hăng akŏ bruă, Ding jum Bruă čar čih hră lăi pơthâo pơtô brơi bruă pơmut, pơčlah sang bruă kơnuk kơna, pơsit mrô mơnuih apăn bruă, ngă khua tui hơbô̆ hơbôt hloh, ƀiă mơnuih, mă bruă tŭ yua, pơhlôm djop bruă mă kơnuk kơna jao. Hơdôm pok hră pơtô ba anai, ngă giong hlâo kơ lơ 25/4. Laih dơ̆ng, Ding jum ăt hơmâo tơlơi gơgrong ba jơlan hơdră pơkă prăk blan, prăk pơhrua prăk blan kơ khua mua apăn bruă, prăk apah kơ ƀing ngă bruă aka ƀu sit, ăt khom giong hlâo kơ lơ 30/7.

Ding jum prăk kăk lĕ pô pơtô ba yua prăk kăk, pơsir kông ngăn rơbêh, sang bruă, rơdêh đĭ, lŏn sang đang hmua yua kơnuk kơna ngă pô. Khua dêh čar pơtrun hiăp djop ding jum, anom bruă ngă hrŏm, kiăo tui bruă mă hơmâo sit nik, pơpha mơnuih mă bruă, djơ̆ bruă, glăm ba mơ̆ng djop tơring čar tui hluai sang bruă gong gai kơnuk kơna phrâo mơ̆ng lơ 1/7/2025; kơđiăng hloh lĕ, khom pơhlôm brơi anŏ tŭ yua kơ mơnuih ƀôn sang, boh nik ñu ƀing čơđai sang hră lơ̆m dăp glăi să, phường, sang bruă ia jrao gưl tơring glông.