VOV4.Jarai - Mơguah lơ (21/2) ƀơi Hà Nội, Khua dêh čar ơi Phạm Minh Chính nao jơnum hăng đĭ pơhiăp amăng Jơnum anom bơwih ƀong sĭ mơdrô Việt Nam tui tơđar rĭm thun hăng anăn “Hơdrŭ glăi hăng pơđĭ kyar bruă bơwih ƀong sĭ mơdrô mơng anai pơ anăp”. Đĭ pơhiăp amăng mông jơnum, Khua dêh čar ơi Phạm Minh Chính lăi pơtong, thun 2022 lĕ thun yôm phăn hăng dêh čar Việt Nam, akŏ phun kiăng ngă tui hơdôm hơnong pơkă, tơlơi yak nao phrâo truh thun 2030.

Việt Nam glăk hơmâo tơlơi dưi prong kiăng pơđĭ kyar kơtang hluai tui tơlơi gal amăng đơ đam dêh čar, tơlơi gêl gal, tơlơi dưi, kơdrưh ang, tơlơi đăo gơnang amăng lŏn ia găn rơgao 35 thun pơplih phrâo. Anai ăt lĕ tơlơi lông kơtang kiăng kơ pơplih, pơčeh phrâo hluai tui tơlơi sit nik mơng Kơnuk kơna hăng anom bơwih ƀong sĭ mơdrô kiăng kơ gum hrŏm găn rơgao tơnap tap hăng pran jua “Gum tơngan hrŏm”, “ba glăi tơlơi dưi hrŏm, tơlơi lông djru hrŏm”. Blung hlâo ngă tŭ yua hơdôm jơlan hơdră hơkrŭ glăi hăng pơđĭ kyar bơwih ƀong huă-mơnuih mơnam, pơlir hăng hơdôm jơlan hơdră abih bang amăng pơgang klin Covid-19, pơtrut tañ bruă tlâ̆o vaccine.

Siu Đoan: Pơblang