Ƀơi Sang jơnum prong dêh čar, ƀon prong Hà Nội, Khua dêh čar ơi Phạm Minh Chính git gai jơnum abih bang Bơkơtuai khua mua rim thun kơ boh thâo 4.0 thun 2023 pơlir hăng pơphun ngă tui tơlơi pơtrun mrô 29 kơ abih bang mă  yua boh thâo măi mok, abih bang pơplih phrâo hăng anăn “Pơtrut pơplih mă yua mrô, pơplih phrâo mơtah pơđĭ kyar pơgao hơnong ngă aset ƀiă thun blan abih bang mă yua boh thâo măi mok, pơplih phrâo lŏn ia truh pơ thun 2030, lăng nao pơ anăp truh pơ thun 2045”. Pơhiăp ƀơi mông jơnum, Khua dêh čar ơi Phạm Minh Chính lăi rơđah, bruă dưi kiăo tui tơlơi pơplih phrâo hăng pơđĭ kyar mơng rim boh dêh čar amăng rơnuk boh thâo mrô hăng abih bang rŏng lŏn tơnah pơplih tui jing bruă prong, ƀrô jing bruă kiăng ngă ječ, ƀrô sui thun.

Hăng dêh čar Việt Nam, tơlơi pơmin rơđah kơ tơlơi gêh gal hăng tơlơi kiăng, Kơnuk kơna kiăo hmao tơlơi pơplih, pơplih či đĭ kyar. Blung hlâo, khŏm gir na nao či akŏ pơdong sa kơnuk kơna dưi wai lăng pơđĭ kyar amăng rơnuk boh thâo mrô. Laih dong djŏp gưl, anom bruă hăng abih bang mơnuih hơmâo tơlơi pơplih laih mơng tơlơi pơmin truh bruă mă kiăng mă tŭ hơdôm tơlơi gêh gal hăng dưi hơdip hrŏm hăng hơdôm tơlơi lông lăng mơng rơnuk mă yua boh thâo mrô.