VOV4.Jarai-Mơguah lơ 10/3, ƀơi anom jơnum prong dêh čar, plơi prong jưh jom Hà Nội, Jơnum ruah khua khul đah kơmơi mut phung đơ đam dêh čar ta tal XIII, rơwang bruă thun 2022-2027 pơphun sit nik hơmâo 959 čô khua mua pơ ala kơ đah kơmơi djop gưl nao jơnum. Ding kơna ding jum kơđi čar Khua dêh čar ơi Phạm Minh Chính nao jơnum hrom mông pok jơnum.

Pơhiăp amăng mông jơnum, ơi Phạm Minh Chính Khua dêh čar lăi pơtong, amăng rơnuk čih pioh gru phun kơ lŏn ia, man pơdong hăng pơgang dêh čar, mah amăng rơnuk pơpă hai, tơnap tap hă ƀudah hing ang tŭ mơ̆n, tơlơi pơmin pran jua, tơlơi khăp, tơlơi luă gŭ, tơlơi săn hơtai kơ bruă, tơlơi gir run hrưn đĭ mơ̆ng ƀing đah kơmơi Việt Nam dưi găn rơgao djop mơta tơlơi lông lăng tơnap tap, wơ̆t hăng tơlơi djik djak lăng ƀu bơkơnar, tơlơi ngă sat, tơlơi gun gan, ăt kiăng pơyơr pran jua djru hrom prong prin bruă ngă hrom pơgang pioh lŏn glai adai rơhuông lŏn ia Việt Nam ta khăp ƀu-eng.

Kiăng dưi ngă djơ̆ tơhnal pơkă pơđĭ kyar lŏn ia pơ anăp adih, Khua dêh čar rơkâo,  pơtrut tui tơlơi gum pơgôp djuai ania, amăng anun tơlơi gơgrong yôm mơ̆ng ƀing đah kơmơi. Khua dêh čar tŭ ư hrom anăp či ngă bruă mơ̆ng thun 2022-2027, tơhnal pơkă, bruă mă kơtang hloh, phun yôm mơ̆ tal jơnum ruah khua khul đah kơmơi mut dêh čar ta pơdah thâo.

Nay Jek: Pơblang