VOV4.Jarai - Mơguah (8/3) Khul pơlir sĭ mơdrô hăng tuh tia pơkra pơjing Việt Nam, Khul sĭ mơdrô dêh čar Mi ƀơi Hà Nội hăng anom bruă sĭ mơdrô Mi ƀơi Washington pơphun jơnum ƀơi anăp hăng lăng nao rai mơng ataih. Khua dêh čar ta ơi Phạm Minh Chính nao jơnum hăng đĭ pơhiăp git gai mông jơnum. Đĭ pơhiăp amăng mông jơnum, Khua dêh čar ơi Phạm Minh Chính pơsit tong, hơdră bruă mơng Việt Nam lêng kơ lăng Mi lĕ sa amăng hơdôm dêh čar ngă hrŏm akŏ phun.

Khua dêh čar ta lăi pơtong, Kơnuk kơna Việt Nam ƀuăn amra ngă gêh gal kiăng djop anom bơwih ƀong sĭ mơdrô Mi tuh pơ alin, bơwih ƀong sĭ mơdrô klă hloh ƀơi Việt Nam, biă mă ñu lĕ amăng hơdôm bruă mơ̆ Mi hơmâo tơlơi dưi prong hăng Việt Nam glăk čang rơmang pơđĭ kyar anun lĕ: apui lơtrik pơkra pơjing phrâo, apui lơtrik hơdjă hăng hơđông kjăp, man pơkra anih anom, jơlan glông, prăk kak, pơtô pơjuăt, tuai čuă ngui, boh thâo măi mok, ngă hmua mă yua boh thâo phrâo.

Siu Đoan: Pơblang