Tơdơi kơ hmư̆ tơlơi pơgôp hiăp mơng khua mua hơdôm ding jum, gơnong bruă, ƀon lan hăng anom bơwih ƀong sĭ mơdrô, đĭ pơhiăp amăng mông jơnum, Khua dêh čar ơi Phạm Minh Chính lăi pơtong, bruă lŏn mơnai lĕ sa amăng hơdôm bruă akŏ phun amăng tơlơi bơwih ƀong huă, lăng yôm bruă wai lăng, hơkrŭ hơđong hrŏm hăng pel ĕp.

Kơnuk kơna, Khua dêh čar khut khăt git gai, gum hrŏm ƀon lan, anom bơwih ƀong sĭ mơdrô kiăng pơsir hĭ tơnap tap amăng sĭ mơdrô lŏn mơnai. Hrŏm hăng anun Khua dêh čar jao djop ding jum, gơnong bruă, anom bruă bơdjơ̆ nao hluai tui tơlơi dưi, bruă jao gơgrong pơsir hĭ tơnap tap amăng bruă lŏn mơnai tui hăng bruă wai lăng, rơkâo pơsir hĭ hơdôm bruă phrâo ƀuh, aka ƀu dưi pơsir.